កម្លាំងប៉ុស្តិ៍រដ្ឋបាលគោកឃ្លាង បានធ្វើការឃាត់ខ្លួនជនសង្ស័យម្នាក់ ករណីលួច(ប្រាក់)
04-January-2019 | ដោយ ពលមនសិការ
ភ្នំពេញ៖ កម្លាំងប៉ុស្តិ៍រដ្ឋបាលគោកឃ្លាង បានធ្វើការឃាត់ខ្លួនជនសង្ស័យម្នាក់ ករណីលួច(ប្រាក់) កាលពីថ្ងៃទី០៣ ខែមករា ឆ្នាំ២០១៩ វេលាម៉ោង១៨និង៣០នាទី នៅចំណុចផ្ទះលេខ៨៥ ក្រុម២ ផ្លូវបេតុង ភូមិរោងចក្រ សង្កាត់គោកឃ្លាង ខណ្ឌសែនសុខ។
លោកវរសេនីយ៍ឯក ហ៊ួរ ម៉េងវ៉ាង អធិការនគរបាលខណ្ឌបានឱ្យដឹងថា ជនសង្ស័យឈ្មោះ កែវ គន្ធសុវណ្ណនី ភេទស្រី អាយុ១៧ឆ្នាំ ជនជាតិខ្មែរ មុខរបរសិស្ស ស្នាក់នៅផ្ទះលេខ៨៥ ផ្លូវបេតុង ភូមិរោងចក្រ សង្កាត់គោកឃ្លាង ខណ្ឌសែនសុខ។ ចំណែកជនរងគ្រោះឈ្មោះ ឌី ផល្លា ភេទស្រី អាយុ៤៧ឆ្នាំ ជនជាតិខ្មែរ មុខរបរនៅផ្ទះ ស្នាក់នៅផ្ទះលេខ៨៥ ផ្លូវបេតុង ភូមិរោងចក្រ សង្កាត់គោកឃ្លាង ខណ្ឌសែនសុខ។
សម្ភារៈបាត់បង់៖ ប្រាក់រៀលចំនួន៣,០០០,០០០រៀល និងប្រាក់ដុល្លាចំនួន១០,២៥០ដុល្លារ។សម្ភារៈបន្សល់ទុក៖មូលប្បទានប័ត្រ គ្មានសាច់ប្រាក់ចំនួន ០៣សន្លឹក។
លោកអធិការបន្តថា មុនពេលឃាត់ខ្លួនជនសង្ស័យខាងលើ កាលពីថ្ងៃទី២៨ ខែធ្នូ ឆ្នាំ២០១៨ វេលាម៉ោង១៩និង៣០នាទី ជនស្ស័យខាងលើ រស់នៅជាមួយជនរងគ្រោះហើយបានធ្វើសកម្មភាពលួចយកលុយរបស់ជនរងគ្រោះពីក្នុងកាបូប នៅក្នុងបន្ទប់ដេករបស់ជនរងគ្រោះរហូតដល់ថ្ងៃ០១ ខែមករា ឆ្នាំ២០១៩ វេលាម៉ោងប្រហែល០៦ និង៣០នាទី មិនឃើញជនសង្ស័យត្រឡប់មកផ្ទះវិញ ជនរងគ្រោះបានទៅមើលលុយរបស់ខ្លួន ឃើញបាត់លុយពីក្នុងកាបូបទុកក្រោមគ្រែ រួចជនរងគ្រោះទៅឈែកកាម៉េរាសុវត្ថិភាពឃើញជនសង្ស័យខាងលើធ្វើសកម្មភាពយកលុយរបស់ខ្លួនហើយជនរងគ្រោះបានមកដាក់ពាក្យបណ្តឹង ប្តឹងជនសង្ស័យ នៅប៉ុស្តិ៍រដ្ឋបាលគោកឃ្លាង លុះដល់ថ្ងៃទី០៣ ខែមករា ឆ្នាំ២០១៨ វេលាម៉ោង១៨ និង៣០នាទី ជនសង្ស័យបានត្រឡប់មកផ្ទះវិញជនរងគ្រោះបានធ្វើការឃាត់ខ្លួនជនសង្ស័យប្រគល់ឲ្យសមត្ថកិច្ចប៉ុស្តិ៍រដ្ឋបាលគោកឃ្លាងធ្វើការសាកសួរតែម្តង។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាម និតិវិធីច្បាប់ ៕
ចំនួនអ្នកទស្សនា
- ថ្ងៃនេះ7071
- ម្សិលមិញ11441
- សប្តាហ៍នេះ36901
- ខែនេះ152051
- ឆ្នាំនេះ152051
- សរុប20594507